ERNIOKO KRESTERIOA URKIZUTIK ( 2013-ko Otsailak 16 )

Azken aldia egin dituen eguraldi kaxkarrak eta gero ezinezkoa zen gaurkoan etxean gelditzea. Erniora askotan igo garen arren, inoiz ez ginen igo Urkizutik. Beraz aproba egin beharra zegoen!!!

Josu eta biok gelditu gara nere etxepean goizeko 7:30etan. Tolosa aldera bidea hartu eta 8:30ak aldera Urkizun ginen.

Hori bai Urkizurako igoeran, geldialdi bat egin dugu, gure aurrean genuen ikuspegi zoragarriaz gozatzeko.

Goizeko lehen orduetan Urkizuko bidetik ikuspegi ederra.

Tolosa laino azpian izango da.

Aralar laino artetik gora irteten da elurrez zuritua.

Botak jantzi eta goruntz hasi gara elurra zapaltzeko irrikaz. Lehen zati bat ormigoizko bidetik egin dugu errepetidore antera ingururaino.Errepetidore antena pasa eta gero langa batera iritsi gara,langa pasa ondoren mendi bidetik iturri bateraino iritsi gara. Hemen zapaldu ditugu lehen elurrak.

Urkizutik irten ondoren lehen maldetatik,

 Aizkorriko mendikatea ikus genezakeen zuriturik.

Erniozabalera bidean zuhaitz bakartia. Urrutira Aizkorri.

Iturritik eskuin aldera hartu dugu, zuhaitz bakarti bat ikusten den lepo aldera, maldan gora. Zuhaitz bakartitik ikusten genuen goian Erniozabalgo gurutzea. Zuhaitzetik ezkerreruntz hartu dugu maldan gora. Laister iritsi gara gaikaldera,bista ederrak daude bertatik. Hegoaldera Aralarko eta Aizkorriko mendikateak ikus daitezke eta Iparraldera Gipuzkoako kostaldea.

Erniozabalera azken txanpan. Atzekaldea lainozko alfonbra ederra.

Ezkerraldean Ganbo tontorra eta eskuinaldean Txindoki.

Behekaldean bailaretako lainoa.

Ni Erniozabaleko gurutzean.

Ernizabaleko gurutzea.

Elurra gogor zegoen eta ederto joaten zen oinez. Beraz Erniozabal utzi etaUbeltz-erako bidea hartu dugu. Aurrera zoragarri ikusten zen aurretik Ernio tontorreraino genuen bidea.

Josu Ubeltz tontorrean.Urrutira Aizpel eta Ernio tontorrak.

Ni Ubeltz tontorrean.

Aizpel eta Ernio tontorrak.

Josu Ubeltz tontorretik Aizpel tontorrera bidean.

Ezkerraldean urrutira Izarraitz.

Atzean utzi ditugun Erniozabal eta Ubeltz tontorrak.

Josu goruntz Aizpel tontorrera. Tontorrean zentru metereologikoa.

Ernio tontorrera azken txanpan.

Tontorrez tontor azkenik iritsi gara Ernio tontorreraino. Tontorrean argazkitxoa atera ondoren, uztaiak dauden bordara jaitsi eta moko bat egitea erabaki dugu.

Hemen geundela etorri da eguneko anekdota. Borda barrutik irten naiz aize pittin bat hartzera eta hara hor nere harridura, berde ilunez jantzitako bi pertsona ikusi ditudanean mendian gora.Guardia zibilak!!!

Hasieran bi zirenak, azkenean 6 edo 7 iritsi dira borda ingurura. Beraien pinganillo, metralleta eta guzti.

Gure artean entrenatzen ariko zirela pentsatu dugu eta ez diegu kaso askorik egin. Baina gure harridura gehiago areagotu da bordatik irtetean dokumentazioa eskatu digutenean. Ba handik pasatzen zen guztiari dokumentazioa eskatzen eta motxilak errejistratzen hasi dira. Bakarren batek kamara okulta bat zela ere pentsatu du. Zenek esan behar zigun guri, Ernio puntan errejistro bat izango genuela!!!

Biok Ernio tontorrean.

Anekdotak pasa eta gero beheruntz hasi gara Urkizu aldera. Laister konturatu gara beherako bidea gorantzakoa baino gogorragoa izango zela. Elurra uste baino gehiago bigundu da eta dexente zaildu da ibilera elurretatik.

Track-a jeisten dezutenok, kontuan izan, jeitsieraren zatiren batean bidez kanpo ibili garela, elurrak bidezidorra estaltzen bait zuen.

Urkizura iristerako, Josu dexente ondo iritsi da, baina ni egia ezan ondo kaskaturik ritsi naiz. Batetik ur gutxi  xamar edateagatik eta beste aldetik nere hanka ezker madarikatu honek eman didan gerragatik.

Horrela ba, nere lagun on Josu eta biok beste mendi ibilaldi eder bat egin dugu. Eta nola ez etxerako bidea hartu dugu bazkaritan makarroi platerka eder bat jateko irrikaz. Indarrak berreskuratu beharrak daude!!!

Ernio tontorretik uztaien gurutzera jeitsiera.

Urkizu eta atzekaldean Aralarko mendikatea.

Urkizuko baserri ederra atzekaldean Uzturre mendia duela.

DATU TEKNIKOAK:

-Distantzia: 15 km

-Desnibel akumulatua: 820m

-Denbora: 4ordu 45 min (argazkiak,hamaiketakoa, elurra... dena barne)

-Hasiera: Urkizu.

-Bukaera: Urkizu.

-Nola iritsi:  N1-a hartu Tolosaraino. Tolosa pasa ondoren Benta Haundi parean N1-a utzi eta Azpeitia aldera daraman GI-2634 hartu. GI-2634-a hartu eta segituan,300m ingurura,eskubira Urkizura daraman kruzea dugu.Kartel txiki batez dago seinalatua. Kruzea hartu ondoren Urkizurainoko bideak goruntz egiten du eta ez du galbiderik.

-Ibilbidearen TRACK-a jeisteko:

ERNIOKO KRESTERIOA URKIZUTIK TRACK-a

Ibilbideakeko mapa.

Ibilbidearen perfila.

Ibilbidearen datuak.

AIZKORRIKO KRESTERIOA ( 2013-ko Urtarrilak 4 )

Ostiral honetarako eguraldi itzela zegoen emanda. Urtarrilaren 4a zen eta urteko lehen mendi irteera. Anaia eta biok joan gine buruan bueltaka aspaldian nuen buelta egitera. Aizkorriko kresterioa zen gure helburua.

Kotxea San Adriango parkinean aparkatu ondoren tunelerako bidea hartu genuen.

Ibilaldiaren hasieran. San Adrianeko tunelean.

Erdi Aroko peajea.

Garai bateko N1-a.

San Adriango tunela zen Erdiaroko peajea. Bertatik pasatzen bait zen Erdi Aroko N1-a. Garai haietan Gaztelatik Frantzia aldera zioan edozeinek bertatik pasa behar zuen. Azken ikerkuntzen arabera, San Adrianen gotorleku dexentea izan omen zen.

Goizeko lehen orduetan bailaretan lainoa, goikaldean oskarbi.

Urrutira Aiako Harriak.

San Adriango tunela pasa ondoren erdi aroko bidearekin topatzen gara. Bidea alde batera utzi eta eskuinaldera hartu behar da Aikorri tontorrerako bidea hartzeko. Lehen zatia basoan barna egiten da goruntz, baina denbora gutxi barru irteten gara basotik. Aratz aldera lehen bistak azaltzen dira. 

Denbora gutxi barru Aizkorri tontorrean ginen. Argazki batzu atera ondoren gure bidearen zatirik interesgarrienari ekin genion. Aizkorriko kresterioari.

Anaia Aizkorrirako igoeraren zati batean. Atzealdean Aratz mendia.

Txindoki.

Anaia Aizkorriko ermitara bidean. Eskubialdeko tontorrean ikus daiteke ermita.

Ermita, borda, eta Aizkorriko gurutzea.

Anaia eta ni Aizkorriko gurutzean. Atzekaldean kresterioa, gure bidea.

Anaia Aitzabalko gurutzean, atzekaldean kresterioa.

Ezkerraldea Anboto mendia eta eskuinaldean Udalaitz.

Ni Aitzabal tontorrean, atzekaldean lehen egon garen Aizkorri tontorra.

Aurrera dugun bidea.

Aketegi aurreko tontortxo batean anaia.

Kresterioa teknikoki ez da zaila egiteko. Ia kresterio guztiak, bezala gora behera dexenteak ditu, baina denbora guztian zabalera ederra du eta ez dago pausu zailik.

Horrela bada pixkana-pixkanaka tontorrez tontor joan ginen. Aizkorri, Aitzabal, Aketegi, Aitxuri, Iraule eta azkenik Arbelaitz tontorrak egin genituen.

Aketegitik Aitxuri tontorrean ni.

Anaia Aitxuritik jeisten, atzekaldean hurrengo tontorrak, Iraule eta Arbelaitz.

Iraule tontorretik Aketegi.

Anaia Arbelaitz tontorrean.

Biok Arbelaitz tontorrean.

Eginiko tontorrak Urbiatik ikusiak.

Behin tontorrak egin eta gero Urbiako aterpetxera jeitsi ginen. Lasai exeri eta meriendatxo eder bat egin genuen indarrak hartzeko.

Ondo jan eta gero Urbiako aterpetxetik Lazkaolatzako bordetara jo genuen pistatik.Ondoren Perusaroiko bordara iritsi baino lehentxeago Zorrotzarri monolitoan gelditu gara argazki bat ateratzeko.

Zorrotzarriko monolitoa pasa eta gero pista utzi eta eskubira hartu dugu, Pagarrate aldera. Hemen GR121-rekin egin dugu topo eta hemendik aurrerako bidea bera markatzen duten marka zuri-gorriak jarraituz egin dugu.

Gipuzkoa eta Araba arteko mugan zehar joan gara, erdi aroko galtzada aurkitu arte. San Adrianerako azken metroak galtzadatik egin ditugu. Ez zen garai batean erraza izango bide hauetatik gurditzar haiekin joaten. Seguru asko, gure denboraren kontzeptu oso ezberdina izango zuten garai hartako bidaiariek.

Mendi ibilaldi ederra da bebetan egin deguna. Beste ibilaldi gomendagarri bat.

Anaia Zorrotzarri monolitoan.

Urbiatik San Adrianera bitarteko basoetan.

Erdi Aroko bidean zehar.

*DATU TEKNIKOAK:

-Distantzia: 16,79 km

-Desnibela: 1000m

-Denbora: 6ordu 30 min (argazkiak,hamaiketakoa, elurra... dena barne)

-Hasiera: San Adrian.

-Bukaera: San Adrian.

-Nola iritsi:  N1-a hartu Etxegarateko porturaino. Etxegarateko potuan Otzaurteko portura eta Zegamara daraman irteera hartu. Otzaurteko bentara iristean, Zegamara jarraitu beharrean, ezkerraldera dagoen ormigoizko bidea hartu. Ormigoizko bidean, 4-5 km egin ondoren San Adriango parkinera iritsiko gara.

-Ibilbidearen TRACK-a:

AIZKORRIKO KRESTERIOAREN TRACK-a Ibilbideaken

AIZKORRIKO KRESTERIOAREN TRACK-a Wikiloc-en

Mapa topografikoa.

Mapa topografikoa.

Ibilbidearen perfila.

Ibilbideren datuak.