IRUBELAKASKOA edo ALKATXURI Sumus bentatik ( 2013-ko Maiatzak 4 )

Martxoaren 13an jaio zen gure Maddi. Gure bizitzako segundu bakoitza betetzen duen neska txikia. Egia da bai mendira joateko denborarik ere ez dudala, baina hala ere nere bizitzako momentu ederrenak pasatzen ari naizelakoan nago. Tamainuz ez da haundia baina gure bizitza ederki betetzen du.Txora txora eginda gauzka!!

Nola ez, Maddi jaio ezkeroztik lehen mendi irteera zenez, Maddi eta Cris nere emazteari asko maite diedala adierazi nahi izan nien mendi eder honetatik.

 MAITE ZAITUZTET nere bi printzesak!!

Ezkerrean Irubelakasko eta eskuinean Itxusiko Harriak.

Astean zehar ikusi nuen astebururako eguraldi ona zegoela emanda. Beraz familiari baimena eskatu eta anaiarekin hitzegin nuen Irubelakaskoarako plana egiteko. Azkenean laukotea elkartu ginen Xabier, Urko, Mikel eta Ni.

Goizeko 7:30 etan gelditu ginen Orion eta Bidarrairako bidea hartu genuen.8:30-9:00 alderako Sumuseko bentaren gaikaldean dagoen parkinean geunden.

Xabier anaia eta Urko, atzekaldean Irubelakaskoa.

Hirukote ederra Sumuseko bentan.

Igoeraren lehen zatia egiten genuen bitartean inguruko mendiak oraindik laino artean ziren baina pixkanaka altxatzen joan ziren eta gure aurrean ikuspegi eder bat azaldu zen.

Susto ederren bat ere hartu genuen gainetik egan zebiltzan saiak zirela eta. Pare bat metrotara pasa zitzaigun bat bere egoekin soinu ederrak eginez.Tontorrerainoko bidea sorpresas betea izan zen, tontorrak ziruditen hiru bat kaxko pasa genituen eta kaxko bat pasatzen genuen bakoitzean arista berri bat aurkitzen genuen.

Igoerako lehen kaskoan.

Igoerako lehen zatian, atzekalde Itxusiko Harriak bere handitasunean.

Lainoa altxatzen zioan einean ikuspegiak hobeak ziren.

Kastillako kaskoaren azpikaldetik zeharkaldian.

Mikel kresterioaren lehen zatia pasa ondoren, basoan sartu aurretik.

Xabier basoan sartzera,goran ikusten dena ez da tontorra.

Igoera erdi aldean basotxo bat ere zeharkatu genuen. Hango berdetasuna eta goroldioak oparoak ziren benetan.Eta basoa zeharkatzean eta beheruntz begiratzean Irubelakaskoaren arista guztia ikus genezakeen.

Basoan goraka.

Basotik irtetean lehen egin dugun bidearen ikuspegi ederra.

Basotik irten eta tontorra baina lehen dagoenazken kaxkora bidean.

Ni,Xabier eta Urko.

Itxusiko harrietara ikuspegia.

Musean egiteko mahai ederra, hurrengoan kartekin etorri beharko dugu.

Kresterioaren azken luzean, hori bai hori bada tontorra.

Anaia eta ni ia goran.

Espedizioa osorik!!Xabier, Ni, Mikel eta Urko tontorrean.

Tontorrean beste taldetxo bat aurkitu genuen, beraiek atera ziguten argazkia. Ikuspegiez gozatuz eta giro ona aprobetxatuz hamaiketako ederra egin genuen. Ondoren Gorostiako lepo aldera hartu genuen hemendik jeisteko.
Gorostiako lepotik beheraino dagoen basoan haritz mardulaskoak ikusi daitezke. Bakarren baten buelta ez genuen hiru pertsonen artean ere hartzen.
Basoaren beheko aldera iristean pista aurkitu dugu eta hau jarraituaz berriz Sumuseko bentaraino iritsi gara.
Pistatik ibilaldia ere oso ederra izan da ezkerretara Itxusiko Harriekin eta eskuinetara Irubelakaskoa genituela. Pista erreka ondotik doa eta udan toki aproposak daude bainutxo bat emateko.

IBILALDI GUZTIZ GOMENDAGARRIA ANIMATU EGITERA!!!

Gora Ibilbideak!!!Irubelakaskoara iritsi da!!

Urko, Ni eta Mikel. Atzekaldean eginiko kresterio osoa.

Irubelakaskoaren ikuspegia Gorostiako lepotik.

Hau da hau haritz puska!!!Hiruen artean ezin buelta eman!!!

Pistatik Sumuseko bentara bueltan.Itxusiko Harriak aurrean eder.

Inguruko berdetasuna ederra benetan.

DATU TEKNIKOAK:

-Distantzia: 11km
-Desnibel akumulatua: 915m
-Denbora: 5 ordu 30min
-Hasiera: Sumus benta ( Bidarrai ).
-Bukaera: Sumus benta ( Bidarrai ).
-Track deskarga:       
                                         *IRUBELAKASKOA TRACK  Ibilbideak

                                         *IRUBELAKASKOA TRACK Wikiloc

Zihur aski Euskal Herriko mendi ederrenetako bat izan daiteke. Duen kresterioa egiteko erraza eta oso oso ederra da. Mendi honetatik ditugu ikuspegiak ere zoragarriak dira, Itxusiko haitzak eta Iparla oso gertu ditu. Guk igoera Sumuseko bentan hasi genuen. Bertara iristeko lehenengo Bidarraira iritsi. Bidarrairako sarreran dagoen zubia pasa eta eskuinera hartu. Ondoren bigarren zubitxo bat pasa genuen. Baserri eta etxetxo artetik joan gara errekaren eskuinaldetik hirugarren zubitxo batera iritsi arte.Zubia pasa eta lehen bi guruztbideetan ezkerreruntz goruntz hartu.Azkenean parkin txiki batera iritsiko zarete. Kotxea hemen utzi behar da eta Sumus bentara oinez jaitsi.

Sumus bentatik gailurrerako bidea zoragarria da. Kresterio singularra benetan.Igoera lasai hartu hasiera batean gailurra dela ematen duenak ez bait da izaten. Hiru bat kasko pasa behar dira.

Jaitsiera mendiaren mendebaldetik egin dugu.Lehenik Gorostiko leporaino jaisti gara, hemen basoan sartu eta iparraldera egin dugu. Basoan harrespillas eginiko borda bat eta haritz mardulak ikusi ditugu. Basoaren behekaldera iristean erreka zubi autsi batetik zeharkatu dugu et aondoren pista aurkitu dugu. Pista jarraituz Sumus bentara itzuli gara.

Ibilbide guztiz gomendagarria animatu egitera!!!

Ibilbidea mapa kartografikoan.

Ibilbidearen perfila.

BALAITOUS ( La sarra-Respomuso- Balaitous )( 2000-ko Urriak 28-29 )

Talai-Mendiko beste irteera mitiko horietako bat izan zen hau . 2000-ko Urriaren 28-29 an joan ginen.

Argazkietan ageri denez, garai honetan, oraindik ez zegoen elur asko eginda. Irteeraren asmoa honako hau zen: Lehen egunean Respomusoko refugiora igo eta bertan lo egin eta bigarrenean Balaitous tontorra egin eta bueltan La Sarraraino jaitsi.

Irteerako partaideak Balaitous tontorrean.

Iñaki eta ni Respomusorako igoeran.

Lehen egunean La Sarrako urtegitik Respomusorako bidea egin genuen.Antza denez ez zuen otz askorik egiten. Iñaki eta ni argazkian galtza motzetan azaltzen bait gara.Respomusora iritsi ginenean batzuk lasai geratu ziren berta eta beste batzu Campo Plano aldera joan ginen bueltaxka egitera.

Aita semeak eta ni, Campo planora egin genuen bueltaxka batean.

Hurrengo egunean Respomusotik tontorra egiteko eguna zen. Igoera honetaz oroitzapen oso onak ez ditut egia esan. Brecha de Latour madarikatuan ez nuen batere ondo pasa. 20 bat lagun ginen eta brechara iritsi ginenean azkenetakoa nintzen ohitura dudan bezela. Egun hartan ez zegoen brecha kondiziorik onenetan. 

Buruak askotan mendian lan asko egiten du eta honako honetan pasa txarra eman zidan. Eskerrak Joseba eta Egoitz alboan izan nituen laguntzen. 

Akatsa guztiz gurea izan zen, ez bait ginen materialez ongi prestatuak joan brecha pasatzeko.Elurrezko zatia pasatzeko beharrezkoak dira kranpoiak eta pioleta. Kaskoa ere komenigarria harritzarren bat ere erori bait zitzaigun guri. Eta nola ez jaitsierarako soka,arnesa,mosketoiak eta abar. Soka eta arnesa ez genituen eraman eta hor egon zen gure akatsa, guztiz beharrezkoak dira brecha segurtasunez pasatzeko. Eskerrak Bergarako mendizale pare batek lagundu zigutela jaisten.Eskerrikasko benetan.

Moraleja: Akatsetatik beti ikasi beharra dago.

La brecha de Latour, ez nuen ederki pasa tramo honetan!!!

Balaitous tontorrean.

Irteeran izan genituen gertakari xelebre batzu. denok ikusi genuen Ritxiren kamera nola joan zen elurreta irristan Balaitous-eko tontorretik behera. beraz norbaitek kameraren bat bilatzen badu hortik zehar, Ritxirena   da.

Eta agian xelebrekeriarik handiena. La Sarrako jatetxe batean tontorra egin ondoren bazkaltzeko ordua hartu genuen. Bazkaltzera beharrrean afaltzera iritsi ginen!!!

DATU TEKNIKOAK:

Pirineotako igoera klasikoetako bat bada ere ez da igoera erraza. PD ( poco dificil ) bezala dago katalogatua.Zailtasunik handiena Brecha Latour pasaoan dago, III mailako pasoak ditu eta elurraren arabera kondizioak alda daitezke.

Elurrezko tramoa pasatzeko kranpoiak eta pioleta beharrezkoak dira. kaskoa ere oso komenigarria harri erorketak direla eta. Soka,arnesa, mosketoiak eta abar beharrezkoak dira brecha Latour-en dauden 20 bat metrotako rapeletatik jaisteko.

Bi egunetako ibilaldia.

La Sarratik Respomusorako bidea.

Respomusotik Balaitous-erako bidea.

GR- 1 KODESEKO SANTUTEGIA-LAGRAN TRABESIA ( 2001-ko Apirilak 12-13-14 )

2001-ko Aste Santuetan, nere lagun on, Ritxi eta biok elkartu ginen GR1-ren zati bat egiteko.Asmoa Kodeseko Santutegitik Lagranerako bidea egitea zen. Hiru egun genituen.

Lehen egunean Kodeseko Santutegitik Kanpezurako bidea egin genuen. Bigarrenean Kanpezutik Bernedora. Eta hirugarrenean Bernedotik Lagranera.

Ederra parea!!! Ederki pasa genian Ritxi eta nik trabesia hartan.

Oroitzapenak beti bezela gora eta behera. Ez nago oso zihur baina uste dut bakoitza kotxe batean joan ginela. Zihur aski ni garai hartako R5 ean jungo nintzen eta Ritxi auskalo!!Berak konfirmatu beharko dit kotxeen asuntoa!!

Ongi oroitzen dudana da Kodesera joaterakoan lehen aldiz ikusi nituela Kodesko ahizpak. Liluratuta geratu nintzela haitz zorrotz haiek ikustean. Zin egin nion berriro inguru haietara bueltatu behar nuela. Gaurko egunez oraindik ez naiz itzuli.Erremedioa jarri beharko diogu!!!

Trabesiaren lehen zatian, aurrera Kantabriara mendikatea.

Lehen egunean, lehen esan bezala Kodeseko santutegitik Kanpezurako bidea egin genuen. Bidean nola ez Kodeseko mendikatea zeharkatu genuen. Gogoan dut igoera maldatsua izan zela kareatzezko orratz artetik.

Kanpezurako jaitsieran erdi galduak ibili ginen baina azkenean iritsi ginen. Kanpezura iritsi eta bertako udalekuetako aterpetxean egon ginen galdezka lo egiteko, baina nonbait betea zen  eta azkenean nekazal etxe batean egin genuen lo. 

Gari soroetan barna.

Hurrengo egunean Kanpezu eta Bernedo arteko zatia egin genuen. Hemen izan genuen gertakari xelebre xamar bat. Antoñanara iritsi ginenean herriko heldu batekin hasi ginen hizketan. Gizon hark Orioko Potes ezagutzen zuen, han egon ginen jardun luzean.

Gizon jator harrekin hizketan egon eta gero, mokadutxo bat egitea erabaki genuen han zegoen banku batean.

Eta badakizue horrelako tokietan beti izaten dira txakurrak bueltaka. Hemen bi genituen bat txikia eta bestea handi xamarra.

Horrela ogi barra erdia bi zatitan banatu nuen eta banku gainean jarri nituen ondoren txorixo pamplona eta jamon de york-ekin betetzeko. Banuen beldur nik txakur haiekin!!!Gero eta gertuago ziren.

Nik ogi tarteak betetzen nituen bitartean Ritxik eskuekin keinuak egiten ziziketen aldentzeko, baina laperrik.

Zakur handi madarikatua!!!Nik lehen zatia bete nuen ordurako gerturatu eta banku gainetik mokau batean jan zigun barra laurdenekoa zen bokadilloa!!!!Inoiz ez nuen ikusi horrelako mokaurik!!!Azer malaletxea harrapatu nuena!!!

Horrela bada, jaterakoan txakurren bat urreratzen zaiten bakoitzean, zakur handi hartaz gogoratzen naiz.

Anekdotak anekdota, Bernedora iritsi ginen eta lotarako tokia aurkitu behar. Bertako udalekuetarako aterpera joan ginen eta itxia!!Badazpada ere ateak irekitzen ziren aproba egin eta kasualidadea!!Pasillu txiki batera zeraman atea ireki zitzaigun, hantxe pasa genuen gaua pasilluko lurrena esterilla botata.

Bernedora iristeko 1,4km faltan. Astakertenen batek autsiko zuen kartela.

Azken egunean Bernedo eta Lagran arteko zatia egin genuen. Bidean Cruz del Castillo mendi ederra igio genuen eta hegoaldeko isurialdera zeuden ikuspegiez gozatu ahal izan genuen. Mendi ederra benetan. Egia esan inguru hontako mendiak asko gustatu izan zaizkit Ipar eta Hego isurialdearen artean duten kontrasteagatik.

Cruz del Castillorako lepoan.

Egun hontan ere izan genuen topaketa xelebre bat. Ritxi eta biok baso erdian geunden Cruz del Castillorako igoren erakusgai dauden txondorretako bat ikusten. Eta bapatean ahots ezagun bat entzun genuen. Buelta eman eta Iñaki Ibarbia jauna!!Non topatuko eta hantxe baso erdian!!Ez dago ba Euskal Herrian bertan beste lekurik!!

Iñaki han zebilen beste lagun batzurekin. Denok batera igo ginen tontorreraino.

Oroitzapen oso onak ditut Aste Santu hauetaz. 

Toki onean, lagun onaren konpañian, ezin gaizki pasa!!!

Ni, Ritxi eta Iñaki Ibarbiaren algun bat Cruz del Castillo tontorrean.

Iñaki kamera atzean zihurraski.

DATU TEKNIKOAK:

Ondorengo Track-a Arabako Foru Aldundiak Ibilbideaken denon eskura jarri dituen ibilbideen saretik atera dut. GR1 Bidezidor historikoarena da.  Guk Kodeseko Santutegitik Lagranerarterako bidea egin genuen. Zihuraski ez da izango guk egin genuen bide bera, baina hor nonbait ibiliko da.Ondorengo enlazean deskarga dezakezue track-a.

GR1 BIDEZIDOR HISTORIKOAREN track-a jeisteko hemen

Kodeseko santutegitik San Roman de Campezura bitarteko bidea.

San Roman de Campezutik Lagran arterako bidea.

Mapan azaltzen ez den arren, Lagranera iritsi aurretik Cruz del Castillo igo genuen.

ERNIOKO KRESTERIOA URKIZUTIK ( 2013-ko Otsailak 16 )

Azken aldia egin dituen eguraldi kaxkarrak eta gero ezinezkoa zen gaurkoan etxean gelditzea. Erniora askotan igo garen arren, inoiz ez ginen igo Urkizutik. Beraz aproba egin beharra zegoen!!!

Josu eta biok gelditu gara nere etxepean goizeko 7:30etan. Tolosa aldera bidea hartu eta 8:30ak aldera Urkizun ginen.

Hori bai Urkizurako igoeran, geldialdi bat egin dugu, gure aurrean genuen ikuspegi zoragarriaz gozatzeko.

Goizeko lehen orduetan Urkizuko bidetik ikuspegi ederra.

Tolosa laino azpian izango da.

Aralar laino artetik gora irteten da elurrez zuritua.

Botak jantzi eta goruntz hasi gara elurra zapaltzeko irrikaz. Lehen zati bat ormigoizko bidetik egin dugu errepetidore antera ingururaino.Errepetidore antena pasa eta gero langa batera iritsi gara,langa pasa ondoren mendi bidetik iturri bateraino iritsi gara. Hemen zapaldu ditugu lehen elurrak.

Urkizutik irten ondoren lehen maldetatik,

 Aizkorriko mendikatea ikus genezakeen zuriturik.

Erniozabalera bidean zuhaitz bakartia. Urrutira Aizkorri.

Iturritik eskuin aldera hartu dugu, zuhaitz bakarti bat ikusten den lepo aldera, maldan gora. Zuhaitz bakartitik ikusten genuen goian Erniozabalgo gurutzea. Zuhaitzetik ezkerreruntz hartu dugu maldan gora. Laister iritsi gara gaikaldera,bista ederrak daude bertatik. Hegoaldera Aralarko eta Aizkorriko mendikateak ikus daitezke eta Iparraldera Gipuzkoako kostaldea.

Erniozabalera azken txanpan. Atzekaldea lainozko alfonbra ederra.

Ezkerraldean Ganbo tontorra eta eskuinaldean Txindoki.

Behekaldean bailaretako lainoa.

Ni Erniozabaleko gurutzean.

Ernizabaleko gurutzea.

Elurra gogor zegoen eta ederto joaten zen oinez. Beraz Erniozabal utzi etaUbeltz-erako bidea hartu dugu. Aurrera zoragarri ikusten zen aurretik Ernio tontorreraino genuen bidea.

Josu Ubeltz tontorrean.Urrutira Aizpel eta Ernio tontorrak.

Ni Ubeltz tontorrean.

Aizpel eta Ernio tontorrak.

Josu Ubeltz tontorretik Aizpel tontorrera bidean.

Ezkerraldean urrutira Izarraitz.

Atzean utzi ditugun Erniozabal eta Ubeltz tontorrak.

Josu goruntz Aizpel tontorrera. Tontorrean zentru metereologikoa.

Ernio tontorrera azken txanpan.

Tontorrez tontor azkenik iritsi gara Ernio tontorreraino. Tontorrean argazkitxoa atera ondoren, uztaiak dauden bordara jaitsi eta moko bat egitea erabaki dugu.

Hemen geundela etorri da eguneko anekdota. Borda barrutik irten naiz aize pittin bat hartzera eta hara hor nere harridura, berde ilunez jantzitako bi pertsona ikusi ditudanean mendian gora.Guardia zibilak!!!

Hasieran bi zirenak, azkenean 6 edo 7 iritsi dira borda ingurura. Beraien pinganillo, metralleta eta guzti.

Gure artean entrenatzen ariko zirela pentsatu dugu eta ez diegu kaso askorik egin. Baina gure harridura gehiago areagotu da bordatik irtetean dokumentazioa eskatu digutenean. Ba handik pasatzen zen guztiari dokumentazioa eskatzen eta motxilak errejistratzen hasi dira. Bakarren batek kamara okulta bat zela ere pentsatu du. Zenek esan behar zigun guri, Ernio puntan errejistro bat izango genuela!!!

Biok Ernio tontorrean.

Anekdotak pasa eta gero beheruntz hasi gara Urkizu aldera. Laister konturatu gara beherako bidea gorantzakoa baino gogorragoa izango zela. Elurra uste baino gehiago bigundu da eta dexente zaildu da ibilera elurretatik.

Track-a jeisten dezutenok, kontuan izan, jeitsieraren zatiren batean bidez kanpo ibili garela, elurrak bidezidorra estaltzen bait zuen.

Urkizura iristerako, Josu dexente ondo iritsi da, baina ni egia ezan ondo kaskaturik ritsi naiz. Batetik ur gutxi  xamar edateagatik eta beste aldetik nere hanka ezker madarikatu honek eman didan gerragatik.

Horrela ba, nere lagun on Josu eta biok beste mendi ibilaldi eder bat egin dugu. Eta nola ez etxerako bidea hartu dugu bazkaritan makarroi platerka eder bat jateko irrikaz. Indarrak berreskuratu beharrak daude!!!

Ernio tontorretik uztaien gurutzera jeitsiera.

Urkizu eta atzekaldean Aralarko mendikatea.

Urkizuko baserri ederra atzekaldean Uzturre mendia duela.

DATU TEKNIKOAK:

-Distantzia: 15 km

-Desnibel akumulatua: 820m

-Denbora: 4ordu 45 min (argazkiak,hamaiketakoa, elurra... dena barne)

-Hasiera: Urkizu.

-Bukaera: Urkizu.

-Nola iritsi:  N1-a hartu Tolosaraino. Tolosa pasa ondoren Benta Haundi parean N1-a utzi eta Azpeitia aldera daraman GI-2634 hartu. GI-2634-a hartu eta segituan,300m ingurura,eskubira Urkizura daraman kruzea dugu.Kartel txiki batez dago seinalatua. Kruzea hartu ondoren Urkizurainoko bideak goruntz egiten du eta ez du galbiderik.

-Ibilbidearen TRACK-a jeisteko:

ERNIOKO KRESTERIOA URKIZUTIK TRACK-a

Ibilbideakeko mapa.

Ibilbidearen perfila.

Ibilbidearen datuak.